Lukas 7:40-50

Di tingki panghobasion ni Tuhan Jesus, somal do angka halak jahudi na tarbarita marsipioan mangan, dalan na sida do i asa lamtumangkas marsitandaan. Atik pe anak ni tungkang hau jesus alai marningot balga ni panghorhon ni panghobasonna, dohot do Ibana dinasahali diarahon mangan tu bagas ni si Simon sada sian parise na tarbarita ditingki i. Hasomalan na masa ditingki uju i molo naeng bongot tamue na sumangap tu bagas, jangkonon ni nampunasa bagas ima ibana marhite na:

• Manghaol dohot mangumma tamue i, jala ingkon songon i do pangalahona manjanghon halak na targoer guru(rabbi) bongot tu bagas ni sada halak.
• Mamuri pat ni tamue. Marojahan do i tu pangalaho ni tano di Israel, na gok orbuk tingki ari logo jala dabe gambo tingki ari udan, na mambahen gabe rotak pat ni angka namar dalan, ala ni panjangkonon na patut do molo diburi nampuna bagas. marhite naposona patni tamue na hinormatanna.
• Mamispis tamue i dohot miak na angur.

Atik pe naung dirajumi sisimon, Jesus sada halak na tarbarita, jala di jou ibana guru(rabbi), huroa dihilala si Simon andul dope sumangap ibana sian Jesus. Ido alana boasa sada pe sian ruhut ni panjanghonon na tolu i, dang dipatupa ibana dompak Jesus. Ditingki na songon i ma, ro parompuan na tarrajum mardosa, bongot tu bagas ni Si Simon, mamuri patni Jesus dohot ilu iluna, dungi diapusi dohot obukna, jala dimiahi dope patni Jesus dohot miak alabaster na hushus. Sasintong na mangihut hon umum na somal adong do namaralo tu ruhut ruhut ni hajahudion di turpuk on :

• Molo mangan tamue dang tama sahalak parompuan masuk tu inganan parmanganan, digahen i dang longang roha dibahen nampuna bagas i, ala masuk sahalak parompuan tu bagasan inganan parmanganan i, lumobi ma alana dang pangisi ni bagas i parompuan i.
• Sipasidingon ni halak nabadia do saor manang dais tu halak pardosa, ido alana boasa molo mulak halak parise sianinganan na ribur, dihalaputi nasida do paiashon dirina, dalan laho manjamothon atik tung sodiboto nasida dais nasida tu Jolma pardosa diinganan na ribur i. Hape diturpuk on, Jesus na targoar Rabbi, diloas siparompuan sipardosa i manjama dohot mangumma pat na.

Dibahen i patut do molo marhusori roha ni sisimon marnida namasa i, ala marojahan tu sikap ni Jesus di turpuk on, boi ma ida onta dia do sasintong na sikap sipareahan ni huria halak kristen dipanghobasion di portibi on.

Mamaritahon barita na uli marhite na mangharingkothon parsaoran na denggan dompak saluhut halak ( inklusif ).

Partamueon na pinatupa ni sisimon, sada sian gombaran ni parsaoran na eksklusif do i, jala pangalaho na sisongon i do na hinangoluhon ni halak Jahudi ditingki i, na tarbarita patut ingkon marsaor tu na tarbarita, jala na sangap marsaor tu nasangap, nabadia marsaor tu nabadia. Dibahen i sala do marsaor sahalak na tigor dohot shalak naung nirajuman ni dosa haliluon do di halak Jahudi molo dianghupi halak Samaria na tarrajum jolma naso ganjing i.Ianggo Jesus diungkap do dirina marsaor tu saluhut halak. So marnida hadirion ni jolma i, na sangap manang na lea, napogos manang na mora, pardosa manang na badia. Di janghon jala dipasu pasu Jesus do angka dak danak na naeng pina lao ni angka sisean i, ala dirajumi angka sisean i dak danak pangguga i. Dibongoti Jesus do bagas ni si sakheus, sijalo beo na nirajumi ni halak pardosa. Di anghupi Jesus do angka boru samaria manghata hatai dilambuing ni sumur ni si Jakkop, alai si Simon na marharoroan sian horong parise na jotjot maralo dohot Jesus i pe tong do dianghupi Jesus. Ndang mamillit parsaoran ni Jesus ala ni ido umbahen gok do jolma ganggu di haguruon ni Jesus, ala dianghupi ibana jolma angka pardosa dohot sijalo beo. ( Pat. Mark 2:16 ). lai nang pe maralo tu pinghiran ni halak Jahudi, justru prsoran na songon i do mambahen boasa boi Jesus masuk tusude horong, laho mamarotahon harajaon ni Debata.

Boha do ia hurianta ?. adong do pandohan na mandok "Mangerbang gabe huria na inklusif" alai dia do kenyataan na beha do hita sasingtong na ?. 

Mangungkap diri manjangkon angka pardosa asa marhamubaon
Hombar tu hatorangan na diginjang i, ditingki panghobason ni Jesus , mansai jonok do Jesus dohot angka pardosa, ala dihilala pardosa i ungkap roha ni Jesus manjanghon nasida. Ndang gabe manguhumi, ali dirajumi Jesus do nasida songon angka nahansitan na mangharinghothon pangurupi ni pandaoni. ( pat. Mark. 2:17 ). Alai ianggo di tingki on inghon taparhatopot do godangan do halak na mangarajumi dirina sahalak pardosa, mabiar manang mandao sian Huria, Boasa ? alana nga gumodang sian hita na manguhumi sian manogu nogu.. Disada bukku na sinurathon ni si Philip Yencey, didok ibana : ' Bonsir na mambahen boasa manda o angka na hea trjollung mangulahon dosa, isara ni mantan Napi, PSk dohotsiula hajahaton na asing dope sian huria, ima na gabe lam so mararga ( ramun ) dihilala nasida hadirion nasida molo dipajonok tu huria, lumobi ma molo diboto huria i hajahaton naung hea niulahonna di atiha i.. Ala ni ido ra boasa didok sahalak parjamita, ulaon ni huria ima laho mangurupi jolma laho manguhal dohot pahembanghon angka talenta ( potensi ) na denggan, na buni dope di dirini angka jolma i, ndada gabe pasigat sigat angka hasalahan naung niulana ditingki nauju i. Dinegara negara naung berkembang saonari adong do angka lembaga lembaga na mangajari jala manjanghon angka mantan naung parjahat hian ditingki na uju i, jala ulaon na tung mansai denggan doi. Jala na boi berengonta sian i, holong niroha nasida laho mangurupi donganna jolma jala dianggap sudena jolma i sarupa do dijoloni Tuhan i. jala ido na hita bereng sian turpuk on sudena angka na niulahon ni Tuhan Jesus ditingki uju i. Jala hut ni ido inghon sipaihuton ni hita angka na porsea tu Ibana do i.

loading..

share this article to: Facebook Twitter Google+ Linkedin Technorati Digg

Posted by Unknown, Published at 01:32 and have 2 comments

Artikel berlangganan GRATIS melalui email